Böyük Britaniya və Fransa iyulun 10-da iki ölkə arasında nüvə qarşısının alınmasının koordinasiyasına dair bəyannamə imzalayacaq.

Editor.az bu barədə France-Presse-ə istinadla xəbər verir.

Yelisey Sarayı və Britaniya hökumətinin bəyanatında deyilir: “Böyük Britaniya və Fransa müstəqil qalmaları şərti ilə iki ölkənin nüvə qarşısının alınması qüvvələrinin koordinasiya oluna biləcəyini bəyan edəcək. Cümə axşamı günü imzalanacaq bəyannamədə hər iki ölkənin çəkindirici qüvvələrinin müstəqil qalacağı, lakin koordinasiya oluna biləcəyi və Avropadan bu ölkəyə fövqəladə və qeyri-adi bir cavab verilməyəcəyi bildiriləcək”.

Qeyd edək ki, may ayında İngiltərə hökumətinin nüvə arsenalını genişləndirməyi planlaşdırdığı və ABŞ-dan B61 nüvə bombası daşıya bilən F-35A qırıcıları almaq üçün danışıqlar apardığı məlum olub. Britaniya nüvə silahları hazırda Amerikanın Trident II ballistik raketlərini daşıyan dörd Vanguard sinifli nüvə sualtı qayıqlarında yerləşdirilib.

//Gülnarə Abasova, Editor.az