Gürcüstanın baş naziri İrakli Kobaxidze ABŞ Müdafiə İnformasiya Administrasiyasının (DİA) Rusiyanın respublikaya təsirinin artmaqda olduğu iddiasını “açıq axmaqlıq” adlandırıb.

O, bu cür bəyanatları Amerika “Dərin Dövləti”nin təsiri ilə əlaqələndirib. İrakli Kobaxidze ondan DİA-nın “Qlobal Təhlükəsizlik Vəziyyəti haqqında” hesabatını şərh etməyi xahiş edən jurnalistdən soruşub: “Sən özün bilirsən ki, bu axmaqlıqdır”. “Hansı təsir artımından danışırıq? Bu, tamamilə axmaqlıqdır.”

Xatırladaq ki, sənəddə xüsusilə iddia edilir ki, Rusiya “şübhəsiz ki, Gürcüstanı öz təsir dairəsinə qaytarmaq niyyətindədir” və oktyabrda keçirilən parlament seçkilərindən sonra Qafqaz ölkəsində hakim “Gürcü Arzusu” partiyasının hökuməti “Rusiyaya ölkədə öz təsirini artırmağa imkan verən” mühit yaradıb.

//Samir Qurbanov, Editor.az