İslam İnqilabı Keşikçiləri Korpusu (SEPAH) bildirib ki, İran Hərbi Hava Qüvvələri gecə hücumu zamanı İsrail səmasında nəzarəti ələ keçirib.

Bu barədə İRNA agentliyi xəbər verir: “Bugünkü raket hücumu göstərdi ki, biz işğal olunmuş ərazilərin (İsrailin) səmalarına tam nəzarəti ələ keçirmişik və onların sakinləri İranın raket hücumlarına qarşı tamamilə müdafiəsizdirlər”, – deyə məlumatda bildirilir.

Bundan əvvəl İDF İrandan raket buraxılışlarını qeydə alıb. İsrailin “Yedioth Ahronoth” nəşri Qüds ərazisində güclü partlayış səslərinin eşidildiyini yazıb. Nəşrin məlumatına görə, İran İsrailə 20-yə yaxın raket atıb.

//Samir Qurbanov, Editor.az