İran hakimiyyəti hicabla bağlı yeni qanunda əxlaq polisinin fəaliyyətini ləğv edəcək. Bu barədə İran parlamentinin spikeri Məhəmməd Baqir Qalibaf məlumat verib.

O, təşəbbüsün qəbulu üçün vaxt çərçivəsini dəqiqləşdirməyib. Natiq xatırladıb ki, hicab taxmaq artıq ölkənin başqa qanununda təsbit edilib. “İndi həm müsbət, həm də mənfi cəhətləri aradan qaldıracaq qanun qəbul edilməlidir. Yeni qanun əxlaq polisini tamamilə aradan qaldırır, lakin hökumətin həll edilməli olan digər sahələrdə bəzi problemləri var”, – deyə Qalibaf sosial şəbəkədə yazıb.

İranın cinayət məcəlləsində hicab taxmaq qaydalarını pozanlara görə cəza nəzərdə tutulub. Ehtimal olunur ki, yeni qanun cəzaların dairəsini əhəmiyyətli dərəcədə genişləndirir – xüsusən də 12 yaşdan yuxarı yeniyetmələr üçün məhdudiyyətlər tətbiq olunur. Cinayəti təkrar edənlərə 15 ilə qədər həbs cəzası verilə bilər.

2024-cü ilin dekabrında İranın Ali Milli Təhlükəsizlik Şurası Məclisi (parlament) qanun layihəsinə baxılması prosesini dayandırmağa çağırıb. Bu, İslam Respublikasının prezidenti Məsud Pezeşkianın cəmiyyətdə parçalanmaları dərinləşdirəcəyindən ehtiyat etdiyinə görə, mübahisəli təşəbbüsü indiki formada təsdiqləməkdən imtina etdiyi bir vaxta təsadüf edir.

//Samir Qurbanov, Editor.az