İranın şimalındakı Semnan əyalətində yerləşən Germsar şəhərində güclü yanğın davam edir.

Editor.az bildirir ki, bu barədə İran mətbuatı məlumat yayıb. İlkin olaraq sənaye zonasında yerləşən yerli neft emalı zavodunda, daha dəqiq desək, yanacaq anbarında partlayış baş verib.

Daha sonra müəssisədə yanğın başlayıb. Fövqəladə vəziyyət nəticəsində insanlar xəsarət alıb. Yerli Qızıl Aypara Cəmiyyətinin məlumatına görə, beş nəfər yaralanıb. Hələlik ölüm faktı qeydə alınmayıb.
Yanğının qarşısını hələ ki, almaq mümkün olmayıb.

//Samir Qurbanov, Editor.az