Beynəlxalq Atom Enerjisi Agentliyinin (BAEA) baş direktoru Rafael Qrossi İrandakı Buşehr nüvə elektrik stansiyasında radiasiya qəzası riski barədə xəbərdarlıq edib.

Təşkilatın rəsmi sosial media səhifəsində dərc olunan açıqlamada o, stansiya yaxınlığında hərbi fəaliyyətin davam etməsi halında belə bir ssenarinin tamamilə mümkün olduğunu bildirib. “BAEA-nın baş direktoru Rafael Qrossi xəbərdarlıq edib ki, çoxlu miqdarda nüvə yanacağı olan fəaliyyətdə olan Buşehr nüvə elektrik stansiyası yaxınlığında davam edən hərbi fəaliyyət İranda və ondan kənarda insanlar və ətraf mühit üçün zərərli nəticələrə səbəb ola biləcək ciddi radiasiya qəzasına gətirib çıxaracaq” – BAEA rəhbəri bildirib.

Qrossi həmçinin stansiyaya və ətraf əraziyə hücumlara son qoyulmasını tələb edib, çünki onlar nüvə təhlükəsizliyinə ciddi təhlükə yaradır.

Xatırladaq ki, 2026-cı ilin fevral ayının sonundan bəri Buşehr nüvə elektrik stansiyasında dörd hadisə baş verib. Ən son hadisə ötən həftə sonu baş verib.

//Samir Qurbanov, Editor.az