Noyabrın 11-də İsrail dünyada ilk olaraq koronavirusun yayılması ilə mübarizə fonunda milli təlim keçirəcək.
Bu barədə çərşənbə günü İsrail Baş nazirinin ofisi məlumat yayıb.
Bildirilib ki, milli təlimlərin keçirilməsində məqsəd COVID-19-un yeni variantının potensial yayılmasına hazırlığını yoxlanılmasıdır.
Təlimlərə Baş nazir Naftali Bennet rəhbərlik edəcək.
Təlimlər aidiyyəti nazirlik və idarələrin rəhbər heyətinin iştirakı ilə “komanda-qərargah oyunu” formatında keçiriləcək. Nəticələrə əsasən, nazirlər və idarələrarası səviyyələrdə qiymətləndirmələr aparılacaq, məlumatlar təhlil ediləcək və müvafiq tövsiyələr təqdim olunacaq.
//lent.az