İsrail Hərbi Hava Qüvvələrinin qırıcıları Livanın paytaxtı Beyrutun cənub ətrafına hücum edib. AFP müxbirləri ən azı iki hava hücumu və böyük partlayışlar olduğunu bildiriblər.

Bundan əvvəl İsrail Müdafiə Qüvvələrinin (IDF) sözçüsü Avichai Adrai Beyrutun cənubundakı 4 məhəllə sakinlərini təxliyə etməyə çağırıb.

Onların arasında Livan paytaxtının beynəlxalq hava limanının yaxınlığında yerləşən və hava zərbələrindən birinə məruz qalan Uzay rayonu da olub.

Noyabrın 6-da axşam saatlarında İsrail aviasiyası Beyrutun cənub ətrafındakı Leylaki ərazisindən hava limanı yaxınlığında bir neçə zərbə endirib. Haret Hreik və Maamura bölgələri də bombalanıb. Noyabrın 4-də İDF, “Hizbullah”ın səhra komandiri Əbu Əli Ridin Livanın cənubundakı Baraşita bölgəsində hava zərbəsi nəticəsində öldürüldüyünü bildirib.

//Samir Qurbanov, Editor.az