İsrail İranı özünün raket hücumları üçün tam qanuni hədəf hesab edir.

Editor.az xəbər verir ki, bunu İsrail İqtisadiyyat Nazirliyinin rəhbəri Nir Barkat deyib. Nazirlik rəhbərinin sözlərinə görə, bu, İranın anti-İsrail qüvvələrini fəal şəkildə dəstəkləməsi ilə bağlıdır. “İran İsrail üçün qanuni hədəfdir.

Mən Kubanın raket böhranı zamanı prezident Kennedinin strategiyasından istifadə etməyi tövsiyə edirəm. Sonra o, faktiki olaraq Kubadan gələn raketin ardınca Moskvaya doğru cavab raketinin gələcəyini söylədi”, – Nir Barkat bildirib.

O, daha sonra vurğulayıb ki, yəhudi dövlətinin səlahiyyətliləri mümkün hücumlar barədə Tehrana aydın siqnal göndərməlidir. O, həmçinin qeyd edib ki, İordan çayının qərb sahilində yaşayan fələstinlilər bundan sonra İsrailli işəgötürənlər tərəfindən qəbul edilməyəcək, onların yerini başqa ölkələrdən gələn işçilər tutacaq.

//Samir Qurbanov, Editor.az