İsrail kəşfiyyatının Fələstinin “HƏMAS” hərəkatının hücuma hazırlaşdığına dair heç bir məlumatı olmayıb.

Editor.az xəbər verir ki, bu barədə Amerika və İsrail rəsmiləri “The New York Times” (NYT) qəzetinə bildiriblər. Onlar bunu “kəşfiyyat uğursuzluğu” adlandırıblar.

Adını açıqlamayan ABŞ rəsmiləri deyiblər ki, HƏMAS “tam taktiki sürprizə nail olub”. İsrail müdafiə rəsmisi və ABŞ rəsmilərinin bildirdiyinə görə, heç bir İsrail kəşfiyyat orqanına Fələstin hərəkatının koordinasiyalı quru, hava və dəniz zərbələrindən ibarət hücum hazırlaması barədə xəbərdarlıq edilməyib.

Bundan əlavə, HƏMAS hücumu “bir çox Qərb kəşfiyyat orqanlarını təəccübləndirib”, lakin onlar İsrail və ya Misir kimi hərəkatın fəaliyyətini yaxından izləmirlər, NYT qeyd edir. Qəzetə görə, HƏMAS İsrailin “Dəmir Qübbə” raketdən müdafiə sistemini “yatırmağa” nail olub.

O, “ucuz, lakin ölümcül raketlər yağışı” ilə həddən artıq yüklənib və raketdən müdafiə sisteminin özünün artıq “on yaşında olduğu”nu qeyd edir. Qeyd edək ki, İsrail və HƏMAS arasında müharibə oktyabrın 7-də İsrail ərazisinə yüzlərlə raket atılması ilə başlayıb. HƏMAS silahlıları bir sıra yaşayış məntəqələrini nəzarətə götürüb. Son məlumatlara görə, Qəzza zolağında 430-dan çox insan həlak olub, 2 mindən çox insan yaralanıb, İsraildə isə ölənlərin sayı 700-ü keçib.

//Samir Qurbanov, Editor.az