İsrail ordusu tam döyüşə hazırdır və bütün sərhədlərdə aktiv əməliyyatları davam etdirir.

Editor.az TASS-a istinadla xəbər verir ki, bu barədə İsrail Müdafiə Qüvvələrinin (IDF) mətbuat xidmətinin nümayəndəsi Anna Ukolova bildirib. Onun sözlərinə görə, İsrail ordusu Yaxın Şərqdəki vəziyyəti, xüsusən də İran və Livanın şiə Hizbullah hərəkatı ilə bağlı vəziyyəti izləyir və əməliyyat şəraitinə uyğun hərəkət etməyə hazırdır.

Avqustun 11-də İsrailin milli təhlükəsizlik naziri İtamar Ben-Qvir İsrail radiosunda çıxışı zamanı bildirib ki, Fələstinin radikal HƏMAS hərəkatı ilə aparılan danışıqlar, girovların qaytarılması ilə bağlı razılaşma və atəşi müvəqqəti dayandırmaq istəyi düşmənə təslim olmaq deməkdir. Nazirin sözlərinə görə, Qəzza zolağına humanitar yardımın verilməsi dayandırılmalıdır.

//Gülnarə Abasova, Editor.az