Türkiyə hüquq-mühafizə orqanlarının əməkdaşları İstanbulda “İslam Dövləti” (İŞİD) terror təşkilatı ilə əlaqəli olan iki nəfəri saxlayıblar.

Bildirilir ki, şübhəlilər partlayıcı komponentlərdən istifadə etməklə terror aktı törətməyi planlaşdırıblar. Saxlanılan şəxslərdən biri internetdə bomba hazırlamaqla bağlı məlumat axtarmağa başlayanda polisin diqqətinə düşüb. Partlayışın İstanbulda planlaşdırıldığı bildirilir.

Polis əməkdaşları potensial terrorçuların yaşadığı yerdə axtarış aparıblar. Partlayıcı elementlər, kimyəvi reagentlər, habelə qadağan olunmuş radikal təşkilatın simvolları aşkar edilib.

//Samir Qurbanov, Editor.az