Dünən Türkiyəli müğənni Mustafa Ceceli Azərbaycanda fəaliyyət göstərən istirahət məkanlarının birində konsert verib.

Bu barədə sosial şəbəkələrdə məlumat yayılıb.

Bildirlib ki, pandemiya ilə əlaqədar konsert və tədbirlərin keçirilməsi qadağan edilsə də, bəzi istirahət məkanları bu şərtlərə məhəl qoymayıb.

Türkiyəli müğənninin konsertinin təşkili də karantin qaydalarının kobud pozulması kimi qiymətləndirilib. 

Qeyd edək ki, Azərbaycandakı istirahət mərkəzlərinin birində 2 ay bundan əvvəl Petek Dinçöz, ötən həftə isə İlyas Yalçıntaşın konserti təşkil edilmişdi.