İsveçin xarici işlər naziri Ann Linde ölkənin NATO-ya üzvlüklə bağlı müraciətini imzalayıb.

Editor.az Trend-ə istinadən bildirir ki, bunu nazir öz açıqlamasında deyib.

O bildirib ki, İsveçin üzvlük müraciəti Finlandiyanın analoji müraciəti ilə eyni zamanda təqdim olunacaq.

A.Linde sənədin baxılmasının və ratifikasiyasının bir ilədək davam edə biləcəyini deyib.

Qeyd edək ki, İsveçin NATO-ya üzvlüklə bağlı müraciəti ötən gün hökumət tərəfindən qəbul edilib.