Amerika Müharibənin Öyrənilməsi İnstitutunun (ISW) analitikləri hesab edirlər ki, Rusiyanın informasiya məkanında Çeçenistan Respublikası rəhbərinin səhhəti ilə bağlı narahatlıqların davam etməsi regionda sabitliyin qorunmasında Rusiya prezidenti Vladimir Putinin Ramzan Kadırovdan asılılığını ortaya qoyur.
Editor.az bildirir ki, Ukrayna Müdafiə Nazirliyinin Baş Kəşfiyyat İdarəsi Kadırovun səhhətinin pis olması ilə bağlı məlumatı təsdiqləyib. Eyni zamanda Rusiya insayder mənbələri arasında Çeçenistan liderinin komada olması barədə şayiələr yayılıb.
Bütün bunların fonunda Kadırov sentyabrın 17-də yayımlanan videoda səhhəti ilə bağlı yayılan şayiələri təkzib etsə də, şayiələr yayılmaqda davam edir. “Kadırovun Çeçenistandakı hakimiyyətini qeyri-sabitliyi Putin rejiminə böyük zərbə olacaq.
Bu, qismən onun Rusiyada ilk populyarlığı dövründə amansız və qanlı müharibə yolu ilə Çeçenistanda sabitliyin bərqərar olmasının nə qədər vacib olduğuna görədir. Rusiya rəsmiləri Kadırovun səhhətinə dair şayiələrin davam etməsi Kadırovun Çeçenistan üzərində və bununla da Putinin bütün ölkə uzunmüddətli sabitliyinə nəzarətinə təsir edəcəyindən narahatdırlar”, – analitiklər deyir.
//Samir Qurbanov, Editor.az