Demokratlar Partiyasından ABŞ prezidentliyinə ən çox ehtimal olunan namizəd Kamala Harris bildirib ki, seçki kampaniyasının ilk həftəsində 200 milyon dollar ianə toplaya bilib.

Bu, Co Baydenin ilin bütün birinci rübündə qaldırdığı məbləğdən çoxdur. İanələrin üçdə ikisi ilk dəfə donorlardan gəlib. Bundan əlavə, hesabatda deyilir ki, ilk həftədə Kamala Harrisin kampaniyası ölkə üzrə 170 min könüllü cəlb edə bilib.

Qeyd edək ki, iyulun 21-də Co Bayden noyabrda keçiriləcək prezident seçkilərindən geri çəkildiyini açıqlayıb. O, demokratlara bu vəzifəyə öz vitse-prezidenti Kamala Harrisin namizədliyini irəli sürməyi təklif edib. Bir neçə saat sonra ABŞ Federal Seçki Komissiyası onun namizədliyi ilə bağlı bildiriş alıb. Co Baydenin kampaniyasının adı dəyişdirilərək “Harrisin Prezident olsun” adlandırılıb və onun vəsaiti onun komandasına köçürülüb. Donald Trampın seçki qərargahı Co Baydenin seçki kampaniyasından vəsaitin ABŞ-ın vitse-prezidenti Kamala Harrisə köçürülməsini qanun pozuntusu hesab edib. Trampın nümayəndələri Federal Seçki Komissiyasına şikayət ediblər.

//Samir Qurbanov, Editor.az