Kanada hökuməti açıqlamasında bildirib ki, sanksiyalar Rusiyaya qarşı Xüsusi İqtisadi Tədbirlər Proqramının bir hissəsidir və Rusiyanın Ukraynaya geniş miqyaslı işğalında tərəfdaş olanları hədəfə alır.

Editor.az xarici mediaya istinadən bildirir ki, Rusiyanın hərbi-sənaye, maliyyə və nüvə sektoru ilə birbaşa əlaqəsi olan 4 nəfər şəxs və 29 təşkilata qarşı əlavə sanksiyaların tətbiq ediləcəyi vurğulanıb.

Qeyd olunur ki, sanksiyaya məruz qalan şirkətlər həm mülki, həm də hərbi təyinatlı istifadə üçün aviasiya, dəniz və xüsusi nüvə texnikası kimi məhsullar hazırlayırlar ki, bu şirkətlər arasında Rusiyanın “Vaqner” özəl mühafizə şirkəti tərəfindən istifadə edilən silahları istehsal edən “Promtexnologiya MMC” adlı şirkət də yer alır.

//Safura Bənnayeva, Editor.az