Kanada Rusiyanın Ukraynaya hərbi müdaxiləsində göstərdikləri yardıma görə müdafiə sənayəsi sahəsində fəaliyyət göstərən 33 rus şirkətinə sanksiya tətbiq edəcəyini açıqlayıb.

Editor.az “Hürriyet” qəzetinə istinadən xəbər verir ki, hökumət bununla bağlı bəyanat verib.

“Bu şirkətlər Rusiya ordusuna birbaşa və ya dolayı dəstək verib. Ona görə də sözügedən şirkətlər Vladimir Putinin Ukraynada başlatdığı müharibənin nəticələrinə ortaqdır. Kanada Ukraynadakı vəziyyəti yaxından izləməyə və beynəlxalq tərəfdaşları ilə birlikdə hərəkət etməyə davam edir”,- deyə bəyanatda bildirilib.

//Editor.az