ABŞ-da yaşayan keçmiş sovet kəşfiyyatçısı, Rusiya prezidenti Vladimir Putinin tələbə yoldaşı Yuri Şvets hesab edir ki, 2024-cü ildə ABŞ-da keçiriləcək prezident seçkilərində keçmiş Amerika lideri Donald Trampın ehtimal qələbəsi Ukrayna üçün pis variantdır.
Editor.az bildirir ki, Şvets bu fikri “GORDON” internet nəşrinin təsisçisi Dmitri Qordona müsahibəsində dilə gətirib. “Növbəti seçkilərdə Tramp prezident olarsa, çox pis olacaq. Çünki o, artıq hər şeyi deyib. O, Ukraynadakı müharibə məsələsini 24 saat ərzində həll edəcək – Ukraynanın bütün rusdilli ərazilərini Rusiyaya verməklə. Məsələ bundan ibarətdir”, – keçmiş sovet casusu deyib. Jurnalist Trampı “Putinin adamı” adlandıra biləcəyini soruşduqda o, belə cavab verib:
“Əlbəttə! Heç bir şübhə yoxdur! Mən hətta ona “Putinin pudeli” deyərdim. ABŞ seçkilərində Rusiya onun tərəfindədir”, – Şvets xatırlayıb. Onun sözlərinə görə, Rusiyanın 2016-cı il ABŞ prezident seçkilərinə müdaxiləsi Amerika kəşfiyyatının bütün 17 bölməsi tərəfindən qeydə alınıb. “Biz bu müdaxilənin koordinasiyasına çata bilmədik, amma hər kəs müdaxilə olduğunu qeyd etdi: “O, Putinə öz 17 kəşfiyyat orqanından daha çox inanırdı. Bəs o, kimin adamıdır, kimə işləyir? Yaxşı, düzünü desəm, o, axmaqdır, ona görə də axmaq səmimiyyəti ilə Prezident seçiləcəyi halda Ukrayna ilə nə olacağını artıq bəyan edib”, – Putinin tələbə yoldaşı deyib.
Qordon Trampın SSRİ DTK-nın agenti olub-olmadığını soruşduqda Şvets “agent”in geniş anlayış olduğuna diqqət çəkib. Lakin KQB-nin Trampla işlədiyini soruşduqda o, müsbət cavab verib. “Yaxşı, əlbəttə ki, mən onunla xüsusi və yaxından işləmiş adamları tanıyıram ki, onun xarici siyasət, o cümlədən Rusiya Federasiyası ilə bağlı siyasət üzrə aparıcı məsləhətçiləri olublar. Bu qədər”, – o deyib. Jurnalist bu anı çəkmək istədiyini vurğulayıb. “Sən SSRİ DTK-nın veteranı, SSRİ DTK-nın Vaşinqtonda rezidenturasında işləmiş adamsan… Başa düşməyən insanlar üçün vurğulayacağam: sovet dövründə ən yaxşıların ən yaxşısı Vaşinqtonda SSRİ DTK-nın ABŞ-dakı rezidenturasına daxil ola bilərdi.
KQB elitasının elitası. Siz orda işləyən şəxs Trampın KQB ilə işlədiyini iddia edirsiniz. Düzdür?” – “QORDON” nəşrinin təsisçisi soruşub. Putinin tələbə yoldaşı təsdiqləyib. “Yaxşı, bəli. Mən bunu dəqiq bilirəm”,- kəşfiyyatçı deyib. “Heyrətləndirici. O, ABŞ prezidenti ola bilərmi?”, – deyə Qordon soruşub. Şvets bunu ola biləcəyini etiraf edib, lakin bildirib ki, ABŞ-ın keçmiş prezidenti şəxsi iqamətgahında tapılan son dərəcə məxfi sənədlərə görə casusluqla bağlı ciddi təhqiqatla üzləşəcək.
//Samir Qurbanov,Editor.az