“Bavariya”nın futbolçusu Coşua Kimmix yeni rekorda imza atıb.

Editor.az qol.az-a istinadən xəbər verir ki, o, buna ötən gecə “Latsio” ilə matçda (4:1) imza atıb. 25 yaşlı yarımmüdafiəçi komanda ilə Çempionlar Liqasında 50-ci görüşünə çıxıb. Futbolçu bu matçların 38-də meydanı qələbə ilə tərk edib. Belə nəticə klub tarixi üçün rekord hesab edilir.

Qeyd edək ki, Kimmix bu mövsüm 23 görüşə çıxaraq, 3 qol vurub və 13 qolun ötürməsini verib.