Ukraynanın “Obşçestvennoye” nəşri xəbər verir ki, Kiyevdə hava hücumu xəbərdarlığı fonunda bir neçə partlayış baş verib. İlk partlayışla bağlı məlumat saat 1:42-də ortaya çıxıb.

Kiyev Şəhər Hərbi İdarəsi paytaxtda hava hücumundan müdafiə sistemlərinin işlədiyini təsdiqləyib. Tələfat və dağıntılar barədə məlumat verilmir.

Bu gün, sentyabrın 26-da gecə saatlarında Ukraynanın ondan çox bölgəsində də hava hücumu xəbərdarlığı elan edilib. Xəbərdarlıq Vinnitsa, İvano-Frankivsk, Kiyev, Nikolayev, Odessa, Poltava, Sumı, Xmelnitski və Çerniqov vilayətlərində davam edir. Ukrayna prezidenti Vladimir Zelenski ölkədəki bütün istilik elektrik stansiyalarının dağıdıldığını bildirib.

//Samir Qurbanov, Editor.az