Ukrayna paytaxtından bir qədər aralıdapartlayışlar baş verib. Bu barədə Ukraynanın “Teleqraf” nəşri xəbər verib.

Partlayış səsləri Kiyev vilayətinin Belaya Tserkov, Vasilkov və Obuxov yaşayış məntəqələri ərazisində eşidilib. Jurnalistlər əlavə ediblər ki, Kiyevin hərbi administrasiyası hava hücumundan müdafiə sistemlərinin şəhərətrafı ərazilərdə fəaliyyət göstərdiyini elan edib. Daha bir silsilə partlayışın Çerkassı vilayətində baş verdiyi də bildirilir.

Xatırladaq ki, Rusiya hərbçiləri 2022-ci ilin oktyabrından Ukraynanın enerji, hərbi nəzarət və müdafiə sənayesi obyektlərinə raket zərbələri endirir. Bundan əvvəl Ukraynanın paytaxtında hava hücumu zamanı silsilə partlayışların baş verdiyi bildirilib.

//Samir Qurbanov, Editor.az