Rusiya xarici işlər nazirinin müavini Sergey Ryabkov bildirib ki, Vladimir Putinin 2024-cü ilin iyununda təklif etdiyi Ukraynada nizamlanma planında əhəmiyyətli kompromis elementləri var. Onun sözlərinə görə, Rusiya münaqişənin maraqlar balansı əsasında həllinə açıqdır. Lakin, ABŞ prezidenti Donald Trampın planı Moskva üçün aydın deyil.

Ryabkovun sözlərinə görə, Rusiya tərəfi öz planında qarşılıqlı məqbul addımı istisna edəcək heç nə bəyan etməyib. Lakin Rusiya və ABŞ nümayəndələrinin Ər-Riyad görüşündən sonra Moskva Trampın sülh planının nəyi təmsil etdiyini başa düşməyib.

“Bu gün biz daha çox anlaşma əldə etməmişik. Biz yəqin ki, Amerika tərəfinin tezliklə atəşkəs əldə etmək istəyini kifayət qədər əminliklə qeyd edə bilərik”, – nazir müavini RİA Novosti-yə müsahibəsində bildirib.

Qeyd edək ki, Vladimir Putin hərbi əməliyyatların dayandırılması üçün şərtlər kimi Ukrayna Silahlı Qüvvələrinin Donbas, Luqansk, Xerson və Zaporojya vilayətlərindən çıxarılmasını göstərib. Bundan əlavə, o, Ukraynadan NATO-ya üzv olmaqdan imtina etməyi tələb edir.

//Samir Qurbanov, Editor.az