Rusiya dialoqa açıqdır və bütün məsələləri bütövlükdə ABŞ-la müzakirə etməyi zəruri hesab edir. Editor.az xəbər verir ki, bu barədə Kremlin rəsmi nümayəndəsi Dmitri Peskov jurnalistlərə açıqlamasında bildirib.

Peskov Rusiyanın Vaşinqtondakı səfiri Anatoli Antonovun Rusiya Federasiyası ilə ABŞ arasında ikitərəfli münasibətləri müzakirə etmək planları ilə bağlı fikirlərini qiymətləndirmək xahişinə cavab olaraq, “Sualları kontekstdən çıxara bilməzsiniz” dedi. Antonov bildirib ki, bundan əvvəl Rusiya tərəfi ABŞ prezidenti Co Bayden administrasiyası ilə ölkələr arasında münasibətləri müzakirə etmək barədə razılığa gəlib. O, Amerika rəsmilərinin Rusiya səfirliyinə gələrək Crocus City Hallda baş verən terror aktı ilə bağlı başsağlığı verdiklərini, daha sonra bu məsələ ilə bağlı təmaslar və görüşlər barədə razılıq əldə olunduğunu bildirib. Səfir həmçinin ABŞ ilə təhlükəsizlik sahəsində əməkdaşlığın sona çatmasından təəssüfləndiyini bildirib.

//Gülnarə Abasova, Editor.az