Ukrayna Silahlı Qüvvələrinin Xüsusi Əməliyyat Qüvvələrinin Telegram-dakı açıqlamasına görə, Ukrayna müdafiəçiləri müvəqqəti işğal olunmuş Krımda və Donetsk vilayətinin bir hissəsində Rusiya işğalçı mövqelərinə uğurlu zərbələr endiriblər.

Bəyanatda deyilir: “Xüsusi Əməliyyat Qüvvələrinin ön zərbə bölmələri Ukraynanın müvəqqəti işğal olunmuş ərazilərində düşmən qüvvələrinin “can damarını” məhv etməyə davam edir”. Xüsusilə, son günlərdə Xüsusi Əməliyyat Qüvvələrinin bölmələri düşmənin dəstək obyektlərinə qarşı bir sıra dəqiq zərbələr endirib. Nəticədə, Krımın işğal olunmuş Orlovkasında S-400 hava hücumundan müdafiə raket sisteminin baza sahəsi, eləcə də düşmənin üç yanacaq-sürtkü anbarı – biri Mariupolda, ikisi Donetsk vilayətində Novoamvrosievskdə – və qonşu Amvrosievkada bir logistika anbarı məhv edilib”.

Donetsk vilayətinin Zaçatovka şəhərində düşmənin təmir-bərpa bölməsi də məhv edilib. Xüsusi Əməliyyat Qüvvələrinin qeyd etdiyi kimi, yanacaq-sürtkü anbarlarının və logistikasının məhv edilməsi düşmənin hücum potensialını əhəmiyyətli dərəcədə zəiflədir.

//Samir Qurbanov, Editor.az