Səudiyyə Ərəbistanının “Ən-Nəsr” klubunun hücumçusu Kriştianu Ronaldu mövsümi Ər-Riyad Kuboku uğrunda yoldaşlıq görüşündə komandası məğlub olduqdan sonra “Əl-Hilal”ın simvoluna – şərfinə hörmətsizlik edib.

Qeyd edək ki, oyun fevralın 8-də Ər-Riyadda keçirilib və 2:0 hesabı ilə “Əl-Hilal”ın xeyrinə başa çatıb. Bu, Ronaldunun zədədən sonra ilk oyunu olub. O, meydana start heyətində daxil olub, bütün oyunu keçirib və 54-cü dəqiqədə sarı vərəqə alıb.