Rusiya prezidenti Vladimir Putin 1956-cı ildə Budapeşti, 1968-ci ildə Praqanı işğal edən Sovet İttifaqının bu addımlarının yalnız gərginliyə səbəb olan səhv siyasət olduğunu, Qərb dövlətlərinin də bu gün də eyni səhvə yol verdiyini bildirib. Putinin 1956-cı il hadisəsi ilə bağlı dediyi sözlərə Macarıstan Baş Nazirlikdən açıqlama verilib.

Editor.az xarixi mediaya istinadla xəbər verir ki, Macarıstanın Baş Naziri Aparatının rəhbəri Gergely Qulyaş dünənki mətbuat konfransında bu barədə danışıb.

“Rusiya liderinin bu bəyanatını ancaq alqışlamaq olar. Bu, 1992-ci ilin noyabrında, prezident Yeltsinin 1956-cı ildə Budapeştin işğalını pislədiyi zaman başlayan düzgün siyasətin davamıdır”, – o deyib.

//Gülnarə Abasova, Editor.az