Macarıstanın baş naziri Viktor Orban bəyan edib ki, İsveçin təhlükəsizliyinə heç bir təhlükə yoxdur və buna görə də NATO-ya üzvlüyün təsdiqlənməsi üçün tələsməyə ehtiyac yoxdur.

Editor.az xəbər verir ki, bu barədə Orban Macarıstan parlamentində çıxış edib.

Macarıstanın xarici işlər və xarici ticarət naziri Peter Szijjarto iyunun 14-də bəyan edib ki, Macarıstan hökuməti İsveçin NATO-ya üzvlüyünü dəstəkləyir, lakin Stokholm hökumətinin ölkəsinə etdiyi “təhqirləri” nəzərə alaraq yekun qərar parlamentə məxsusdur. Daim İsveç siyasətçilərinin tənqidlərinə, ittihamlarına və iddialarına məruz qaldıqlarını qeyd edən Szijjarto İsveçin Macarıstana qarşı demokratiyaya malik olmadığı və diktatura olacağı ittihamlarını səsləndirdiyini xatırladıb. Peter Szijjarto bildirib ki, bu cür tənqidlər İsveçin NATO üzvlüyünü təsdiqləməmək üçün əsaslı səbəbdir.

Qeyd edək ki, Budapeşt hökuməti iyunun 28-də İsveçin NATO-ya üzvlüyünün təsdiqlənməsi sessiyasının payıza qədər təxirə salındığını elan edib. Macarıstanda müxalifət iyulun 31-də İsveçin NATO-ya üzvlüyünü təsdiqləmək üçün növbədənkənar parlament iclasına başlayıb. Hakim partiyanın deputatlarının boykot etdikləri sessiyaya gəlməməsi səbəbindən kifayət qədər səs çoxluğu əldə olunmadığından səsvermə keçirilə bilməyib.

//Gülnarə Abasova, Editor.az