İngiltərə Premyer Liqasında mübarizə aparan “Çelsi”də forma geyinən Markos Alonso və Sezar Azpilikuetanın “Barselona”ya transfer olmaq istədikləri ilə bağlı iddia ortaya atılıb.

Editor.az İspaniyanın “Mundo Departivo” nəşrinə istinadən xəbər verir ki, hər iki oyunçu niyyətlərini artıq “zadəganlar”a bildirib.

Bundan əlavə bu iki oyunçu ilə görüşmək üçün cümə günü “Barselona”nın nümayəndəsi Londona gələcək.

Qeyd edək ki, Markos Alonso bu mövsüm meydana çıxdığı 46 matçda 5 qol, 5 məhsuldar ötürmə, Azpilikueta isə “Çelsi”nin heyətində bu mövsüm 47 oyunda 3 qol,3 məhsuldar ötürmə ilə yadda qalıb.

//Nəzərbəy Hacıağayev, Editor.az