Amerikalı sahibkar İlon Mask bildirib ki, hazırda dünyanın bir çox ölkəsi vətəndaş müharibəsi riski altındadır.

Editor.az xəbər verir ki, biznesmen bu barədə X sosial şəbəkəsindəki (keçmiş Twitter) hesabında yazıb.

Belə ki, milyarder britaniyalı yazıçı Konstantin Kissinin nəşrlərindən birinə münasibət bildirib. Bu yazıda o, onunla müsahibə zamanı Maskı pis göstərməyə çalışan NBC News müxbirini tənqid edib. Jurnalist sahibkarın İngiltərədəki iğtişaşlar səbəbindən vətəndaş müharibəsi ehtimalının yüksək olması ilə bağlı sözlərinə xüsusi diqqət çəkib. “Bəli, mən qətiyyən vətəndaş müharibəsi istəmirəm, lakin kimlik siyasəti milli qürurdan üstün olanda indi bir çox hökumətlər kimi, bu, qaçılmaz olur”, – iş adamı deyib.

Qeyd edək ki, Böyük Britaniyada iğtişaşlar iyulun sonunda başlayıb. Buna səbəb Southport şəhərindəki uşaq rəqs studiyasında 17 yaşlı yeniyetmənin bıçaqla tələbələrə hücum etməsi olub. Daha sonra Ruandalı mühacir olduğu üzə çıxan təcavüzkarın hərəkətləri nəticəsində 2 böyük və 9 uşaq yaralanıb. Üç uşağı xilas etmək mümkün olmayıb.

Bundan əvvəl Britaniya parlamenti iğtişaşlarla bağlı verdiyi açıqlamaya görə Maskı görüşə çağırmaq istəyirdi.

//Gülnarə Abasova, Editor.az