Aguililla əyalətinin meri Sezar Arturo Valensiya Kabalero silahlı qrup tərəfindən hücuma məruz qalıb.

Editor.az-ın Meksika mətbuatına istinadla verdiyi xəbərə görə, bələdiyyə sədri futbol meydançasında gedərkən silahlı şəxslər tərəfindən öldürülüb.

Hadisə yerinə çoxlu sayda polis əməkdaşının göndərildiyi qeyd edilib.

Qeyd edək ki, fevralın 7-də həmin ştatın Kontepek meri Enrike Velaskes Orozko bələdiyyəyə məxsus evdə ölü tapılmışdı. Meksikada siyasi partiya nümayəndələri və bələdiyyə sədrləri silahlı dəstələrin tez-tez hədəfinə çevrilirlər.

//Gülnarə Abasova, Editor.az