Bir neçə aydır ki, Avropa ölkələri isti hava səbəbindən meşə yanğınları ilə mübarizə aparır. Yanğınların tüğyan etdiyi ölkələrdən biri də Fransadır. Editor.az xarici KİVə istinadla xəbər verir ki, ölkənin cənub-qərbindəki Giron bölgəsində 500 hektar ərazi yanğınlar səbəbi ilə külə dönüb. Yanğınları söndürmək üçün çoxlu sayda canlı qüvvə və dörd helikopter cəlb olunub. La-Taste-de Buç İstirahət zonasında isə 6 min nəfər insan təxliyə edilib. Bu bölgədəki yanğını söndürmək üçün 400 nəfərdən ibarət canlı qüvvə cəlb edilib. Havanın küləkli olması səbəbi ilə yanğınlara nəzarət etmək hələ ki mümkün olmur.

//Nəzərbəy Hacıağayev, Editor.az