“Dzidzio” qrupunun keçmiş üzvü, musiqiçi Oleq Turkonun səhnədəki çıxışı zamanı ürəyi dayanıb. Onun üçün dərhal təcili yardım çağırılıb.

O, hazırda həkimlərin nəzarəti altında reanimasiyadadır. Musiqiçinin dostu Mariya Pançişin baş verənləri sosial şəbəkələrdə danışıb. “Dünən axşam “Dzidzio” qrupunun keçmiş musiqiçisi, Lesik kimi tanınan Oleq Türkün qəflətən səhnədə ürəyi dayanıb və hazırda Lvov kardiologiya şöbəsində reanimasiya şöbəsində”, – yazıda deyilir.

May ayında musiqiçinin ürəyindən mürəkkəb əməliyyat keçirdiyi məlum olsa da, daha ətraflı məlumat verilmir.

//Samir Qurbanov, Editor.az