Bu gün “Barselona” klubunda prezident seçkiləri keçirilir.
Editor.az qol.az-a istinadən xəbər verir ki, artıq Kataloniya klubunun kapitanı Lionel Messi səsvermə məntəqəsinə gələrək seçimini edib.
Seçki məntəqələri yerli vaxtla səhər saat 9:00-da açılıb. Səsvermə 12 saat davam edəcək.
Qeyd edək ki, prezidentlik uğrunda üç namizəd – Joan Laporta, Viktor Font və Toni Freyşa mübarizə aparır. Qalib gələn şəxs 2026-cı ilə qədər “Barselona”ya rəhbərlik edəcək.