İran Prezidenti Məsud Pezeşkian Türkiyənin xarici işlər naziri Hakan Fidanı qəbul etdi. Tərəflər ikitərəfli əməkdaşlığın vacibliyini qeyd etdilər.

Pezeşkian türk və İran xalqları arasındakı qardaşlığı vurğulayıb və bu münasibətlərin, xüsusən də İslam dünyasının mövcud mürəkkəbliyi kontekstində, həm daxili, həm də xarici amillərə görə inkişaf etdirilməli olduğunu bildirib.

İran Prezidentinin sözlərinə görə, həm yerli, həm də qlobal müsəlman icmaları əlaqələrini qarşılıqlı yardım və dəstək prinsipləri əsasında təşkil etməlidirlər: “İslam dünyası şübhəsiz ki, fikir ayrılıqlarını kənara qoyaraq, ticarət, bilik və mədəniyyət axınlarını birləşdirərək ardıcıl əməkdaşlıq və kollektiv inkişaf yoluna qədəm qoya bilər.”, – Məsud Pezeşkian deyib.

Hakan Fidanın Tehrana rəsmi səfəri çərçivəsində İranın Ali Milli Təhlükəsizlik Şurasının katibi Əli Laricani ilə Fələstin və Suriyadakı hadisələrə toxunan görüş də keçirilib. Fidan həmçinin iranlı həmkarı Abbas Araqçı ilə danışıqlar aparıb. Abbas Araqçı İran-Türkiyə Ali Əməkdaşlıq Şurasının iclasının təşkili üçün zəmin hazırlığının fəal şəkildə aparıldığını və ticarət-iqtisadi əlaqələrin genişləndirilməsi potensialını qeyd edib.

//Samir Qurbanov, Editor.az