Moldova parlamenti hökumətyönlü PAS partiyasının təşəbbüsü ilə bütün qanunlarda “moldova” dili yerinə “rumın dili” anlayışını əks etdirən qanun layihəsini ikinci oxunuşda qəbul edib.
Editor.az “EuroPravda”ya istinadən xəbər verir ki, iclasdan əvvəl kommunistlər və sosialistlər rumın dili haqqında qanun layihəsinin gündəmdən çıxarılmasını tələb etsələr də, onların təklifi lazımi sayda səs toplaya bilməyib. Qanun layihəsinin qəbulu müzakirəsiz baş tutub və cəmi bir neçə dəqiqə çəkib.
Onun qəbul edilməsinə 58 deputat səs verib. Bundan sonra PAS deputatları ayağa qalxaraq “Bravo!” deyə qışqırıblar, kommunistlər və sosialistlər isə etiraz olaraq pankartlar açıblar.
//Samir Qurbanov,Editor.az