Rusiyanın paytaxtı Moskvada ötən sutka ərzində yeni növ koronavirusdan daha 12 nəfər ölüb.

Editor.az Trend-ə istinadən bildirir ki, bu barədə Moskvada koronavirusla əlaqəli vəziyyətin monitorinqi üzrə operativ qərargahdan bildiriblər.

Məlumatda deyilir: “Moskvada pnevmoniya diaqnozu qoyulan və koronavirus infeksiyası aşkarlanmış 12 xəstə dünyasını dəyişib”.

Qeyd edək ki, ümumilikdə şəhərdə 257 749 yoluxma hadisəsi aşkarlanıb, onlardan 625-i son gündədir, 205 649 nəfər sağalıb, ölənlərin sayı 4 753 nəfərə çatıb.