Rusiyanın BMT-dəki daimi nümayəndəsi Vasili Nebenzya BMT Təhlükəsizlik Şurasının Livan və Suriyaya səfərində iştirak edəcək.

Editor.az xəbər verir ki, bu barədə Rusiya nümayəndəliyinin Telegram kanalında yayılan bəyanatda bildirilib.

“Müdafiə Nümayəndəsi Vasili Nebenzya dekabrın 3-də BMT Təhlükəsizlik Şurasına üzv ölkələrin nümayəndə heyəti ilə birlikdə Livana gəlib. Beyrutda Livan Respublikasının rəhbərliyi ilə görüşlər, eləcə də ölkənin şimalında sülhün qorunmasında mühüm rol oynayan BMT-nin Livandakı Müvəqqəti Qüvvələrinin (UNIFIL) məsuliyyət zonasında səfərin keçirilməsi nəzərdə tutulur”, – deyə məlumatda qeyd olunub.

Bildirilib ki, Təhlükəsizlik Şurasının Suriyaya səfəri isə dekabrın 4-də baş tutacaq. Bu, qurumun tarixində Suriyaya ilk səfər olacaq. Daha əvvəl Təhlükəsizlik Şurasına dekabrda sədrlik edən Sloveniyanın BMT missiyası Şuranın iki Yaxın Şərq ölkəsinə planlaşdırılan səfəri barədə məlumat vermişdi.

// Gülnarə Abasova, Editor.az