Nyu-Yorkda turistlərin ən çox ziyarət etdiyi “Tayms” meydanındakı güclü partlayış səsi böyük çaxnaşmaya səbəb olub.

Editor.az “Hürriyet” qəzetinə istinadən xəbər verir ki, yüzlərlə insanın ərazidən qaçdığı anlar lentə alınıb və görüntülər sosial şəbəkələrdə böyük marağa səbəb olub. İlk əvvəl insanlar hadisənin terror hücumu olduğunu düşünüb. Ancaq hadisə yerinə gələn polis əməkdaşları partlayışın qaz sızması səbəbindən baş verdiyini bildirib.

Eyni zamanda, Nyu-Yorkda ötən illə müqayisədə cinayət hadisələrinin sayı 44,13 faiz artıb. Qeyd olunub ki, əvvəlki illərə nisbətən silahlı hücumlar da 14,5% artıb.

//Editor.az