“Ermənistan o strukturda ola bilməz, çünki KTMT də bizim coğrafiyamıza yaxındır. Həm də kollektiv təhlükəsizlik regionu ilə bağlı problemlərimiz var. Mən həmişə deyirəm ki, KTMT və Rusiya Federasiyası ilə münasibətlərimiz ilk növbədə coğrafiyamıza əsaslanır”. 

Bunu müxalif “Haystan” fraksiyasının lideri, Ermənistanın keçmiş müdafiə naziri Seyran Ohanyan Ermənistan Milli Məclisinin qarşısında jurnalistlərlə söhbətində medianın sabiq nazirin KTMT-nin cavabını necə dəyərləndirməsi, Ermənistanın bunu etməli olub-olmaması ilə bağlı müşahidələrinə istinadən deyib.

“Dünən, məsələn, Nikol Milli Məclisdə heç nə danışmadı. Dedi ki, beynəlxalq qurumlara müraciət ediblər, biz bura müraciət etmişik, ora müraciət etmişik və s. Amma ölkə daxilində hansı qərarı verdiyini demir. Özünüzü qorumasanız, heç bir beynəlxalq təşkilat sizi qorumağa gəlməyəcək. Evinizi təmir etməsəniz, qonşu evinizdə bəzi abadlıq işləri görməyə gəlməyəcək. Məhz hakimiyyət orqanlarının bu kimi laqeydlikləri və xəyanətkar münasibəti nəticəsində indi bu vəziyyətə düşmüşük. İndi KTMT öz nümayəndələrini göndərmək qərarına gəlib ki, gəlib dəyərləndirmə aparsınlar. Lakin gələcəyin necə olacağını bilmirəm”, – o əlavə edib.

Yenisabah.az