Özbəkistan və Avropa İttifaqı (Aİ) oktyabrın 24-də genişləndirilmiş əməkdaşlıq haqqında saziş imzalamağı planlaşdırır.

Editor.az xəbər verir ki, bu barədə Avropa Şurasının prezidenti Antonio Kostanın prezidentin saytında dərc olunmuş təbrik teleqramında deyilir.

“Avropa İttifaqı ilə Özbəkistan arasında Genişləndirilmiş Tərəfdaşlıq və Əməkdaşlıq Sazişinin imzalanması münasibətilə fikir mübadiləsimizi davam etdirmək imkanımız olacaq, 24 oktyabr 2025-ci il tarixində sizi Brüsseldə görməyi səbirsizliklə gözləyirəm”,-deyə məktubda bildirilib.

Yeni sazişin 1999-cu ildən qüvvədə olan köhnə müqaviləni əvəz edəcəyi gözlənilir. Müqavilə üzrə danışıqlar 2019-cu ildə başlayıb və 2022-ci ildə bağlanıb. Müqavilə ticarət müddəaları, texniki qaydalar, sanitar tədbirlər də daxil olmaqla geniş spektrli məsələləri əhatə edir.

Qeyd edək ki, Qırğızıstan prezidenti Sadır Japarov aprel ayında Özbəkistanda Avropa Komissiyasının sədri Ursula fon der Leyen ilə görüşərək respublika ilə Aİ arasında əməkdaşlığın gücləndirilməsini müzakirə edib. Dövlət başçısı vurğulayıb ki, Mərkəzi Asiya ölkələri ilə Aİ arasında münasibətlərin dinamik inkişafı artıq əməli nəticələr verir.

//Gülnarə Abasova, Editor.az