“Özbəkistan Hava Yolları” aviaşirkətinin “Boeing-787” təyyarəsinin sərnişinlərindən biri Moskvadan Daşkəndə uçarkən xəstələnib.
Editor.az “Sputnik Özbəkistan”a istinadən xəbər verir ki, 236 sərnişini daşıyan təyyarənin ekipajı xəstə sərnişini hava limanına çağırılan təcili yardım briqadasına təhvil vermək üçün Urgənçdəkı alternativ aerodromda marşrut üzrə təcili eniş etmək qərarına gəlib.
Mətbuat xidmətinin məlumatına görə, saat 16:59-da təyyarə Urgənc hava limanına enib.
Lakin sərnişin – 1978-ci il təvəllüdlü kişi təyyarənin göyərtəsində ölüb. Saat 18:48-də təyyarə Urgəncdən Daşkəndə uçuş üçün havaya qalxıb. Mətbuat xidməti əlavə edib ki, sərnişinin ölüm səbəbi açıqlanmayıb.
//Samir Qurbanov, Editor.az