Pakistanın paytaxtı İslamabadda dairə məhkəməsi Pakistanın keçmiş baş naziri və müxalif “Ədalət Hərəkatı” (JZM) partiyasının sədri İmran Xanın həbsinə order verib.

Editor.az bildirir ki, bu barədə “Dawn” nəşri yazıb. Həbs qərarı İmran Xanın hakimi və polis məmurlarını hədələməsi səbəbindən çıxarılıb. Bundan başqa, Pakistanın keçmiş baş naziri xarici liderlərə hədiyyələr satmaqda ittiham olunur.

Nəşr qeyd edir ki, məhkəmə qərarına əsasən, İmran Xan martın 29-dan əvvəl zaminə buraxılmaq və mühakimə olunmaq hüququ olmadan həbs edilməlidir. Vəkil Havaja Haris bildirib ki, müvəkkili təhlükəsizlik təhdidləri səbəbindən məhkəmə iclasına gəlməyib. Hakimin təhqir edilməsi və hədələnməsi işi İmran Xanın 2022-ci ilin avqustunda verdiyi ifadələrə aiddir.

Nəşr yazır ki, o, DZS üzvü Şahbaz Gill-ə işgəncə verdiyi iddiası ilə polisə və hakimə qarşı iş başlatmaqla hədələyib. Pakistan qanunlarına görə, ölkənin nazirləri, prezidenti və baş naziri xarici həmkarlarından aldığı hədiyyələri Toşaxan dövlət anbarına köçürməlidir. Lakin müstəntiqlərin fikrincə, İmran Xan istefa verdikdən sonra onları satıb.

Bundan əlavə, keçmiş baş nazir daha üç cinayət işi üzrə ittiham edilib: terrorizm, qadağan olunmuş maliyyələşdirmə və adam öldürməyə cəhd.

Qeyd edək ki, 2022-ci ilin aprelində İmran Xan Pakistanın baş naziri vəzifəsindən ona etimadsızlıq səsverməsindən sonra istefaya göndərilib. Oktyabr ayında o, seçkilərdən kənarlaşdırılıb və 5 il müddətinə dövlət vəzifəsində işləmək hüququndan məhrum edilib. 2023-cü ilin fevralında İslamabad Dairə Məhkəməsi davamlı olaraq məhkəmələrə gəlməməsi səbəbi ilə girov qoyulmadan həbs qərarı verib.

  //Samir Qurbanov, Editor.az