Editor.az bildirir ki, bu barədə KTMT-nin Birləşmiş Qərargahının mətbuat katibi Vladislav Şeqrikoviç məlumat verib: “KTMT-nin Birləşmiş Qərargahı hazırda KTMT-nin digər üzv dövlətlərinin ərazisində belə bir təlimin keçirilməsinin mümkünlüyü ilə bağlı təkliflər hazırlayır və 2023-cü il üçün kollektiv təhlükəsizlik sisteminin komanda və nəzarət orqanlarının, qüvvə və vasitələrinin birgə təlimi Planını dəqiqləşdirir, ” – V.Şeqrikoviç bildirib.

Qeyd edək ki, yanvarın 1-də Rusiya Müdafiə Nazirliyi KTMT-nin “Sarsılmaz qardaşlıq-2023” sülhməramlı kontingentinin Ermənistanda təlimləri keçirməyi planlaşdırdığını açıqlayıb. Bu gün, yanvarın 10-da Ermənistanın baş naziri Nikol Paşinyan bəyan edib ki, Ermənistan 2023-cü ildə ittifaqın təlimlərini keçirməkdən imtina edib. Çünki bu, məqsədəuyğun deyil. Kreml KTMT-nin Ermənistanın mövqeyini müzakirə etməyə davam edəcəyini bildirib. Ermənistan 2022-ci ilin sentyabrında da Azərbaycanla hərbi münaqişənin növbəti dəfə kəskinləşməsi ilə əlaqədar Qazaxıstanda keçirilən KTMT təlimlərində iştirak etməyib.

Ermənistan-Azərbaycan sərhədində vəziyyətin gərginləşməsi ilə əlaqədar Ermənistan KTMT-dən hərbi yardım istəyib, lakin rədd cavabı alıb. Nəticədə Ermənistanda ittifaqdan çıxmaq tələbi ilə etiraz aksiyaları keçirilib. Nikol Paşinyan həmçinin etiraf edib ki, Rusiya sülhməramlılarının Dağlıq Qarabağdakı mandatı başa çatdıqdan sonra ölkə BMT Təhlükəsizlik Şurasına beynəlxalq sülhməramlı kontingentin təmin edilməsi üçün sorğu göndərə bilər.