Çin hakimiyyəti Rusiyaya qarşı sanksiyalara cavab olaraq Aİ-nin iki maliyyə qurumuna məhdudiyyətlər qoyub.

Editor.az xarici mediaya istinadla xəbər verir ki, bu barədə Çin Ticarət Nazirliyi məlumat yayıb.

Əks tədbirlər iki Avropa bankına, UAB Urbo Bankas və AB Mano Bankas-a şamil edilir.

Nəticədə, Çin təşkilatları və şəxsləri yuxarıda adı çəkilən Avropa İttifaqı maliyyə institutları ilə əməliyyatlar apara və ya əməkdaşlığı inkişaf etdirə bilməyəcəklər.

Bəyanatda qeyd edilir ki, Avropa İttifaqı daha əvvəl Rusiyaya qarşı xüsusilə iki Çin bankı, Suifenhe Rural Commercial Bank və Heihe Rural Commercial Bankı əhatə edən 18-ci sanksiya paketini təsdiqləyib. Aİ-nin bu hərəkətinə cavab olaraq Çin əks sanksiyalar tətbiq etmək qərarına gəlib.

//Gülnarə Abasova, Editor.az