“Yeni nüvə doktrinasının maddələrinə əsasən, Qərb dövlətlərinin hücumu zamanı Rusiya nüvə silahından istifadə edə bilər”.

Editor.az xəbər verir ki, Rusiya prezidentinin mətbuat katibi Dmitri Peskov bu sözləriylə Rusiya Federasiyası Təhlükəsizlik Şurasının baş katibi Sergey Şoyqunun bəyanatını dəyərləndirib.

Peskov jurnalistlərlə keçirdiyi brifinqdə deyib: “Həqiqətən də, bizim doktrinamızda nüvə silahı haqqında yazılan hər şey var. Bu, həqiqətən də doğrudur, bu doktrina əlçatandır”.

Kreml nümayəndəsi NATO sülhməramlılarının Ukrayna ərazisinə yerləşdirilməsindən də danışıb. Peskov bunun Rusiya üçün “tamamilə qəbuledilməz” olduğunu və Avropanın və bütün dünyanın təhlükəsizliyi üçün kritik təhlükə yaratdığını vurğulayıb.

Bundan əvvəl Sergey Şoyqu bəyan etmişdi ki, Qərbin ölkəmizin suverenliyinə və ərazi bütövlüyünə təhlükə yaradan qeyri-dost hərəkətləri zamanı Rusiya Federasiyası nüvə silahından istifadə etmək hüququnu özündə saxlayır. Onun sözlərinə görə, Moskva bu hərəkətləri Rusiyanın Milli Təhlükəsizlik Strategiyası çərçivəsində həyata keçirə bilər.

//Gülnarə Abasova, Editor.az