Polşa Silahlı Qüvvələri Rusiyanın uzaqmənzilli aviasiya fəaliyyəti fonunda ölkənin və onun NATO müttəfiqlərinin hərbi təyyarələrinin səmaya qalxdığını bildirib.
Polşa təyyarələri ölkənin cənub-şərq bölgəsində uçub. “Səhər saatlarından etibarən Rusiya Federasiyasının uzaqmənzilli aviasiyasının Ukraynanın qərbində yerləşən hədəflərə hücumları ilə intensiv aktivliyi müşahidə olunur… Əməliyyat komandanlığı vəziyyəti daim izləyir”, – Polşanın əməliyyat komandanlığı bildirib.
Xatırladaq ki, avqustun 26-da səhər saatlarında Kiyev, Odessa, İvno-Frankivsk, Vinnitsa, Jitomir, Lutsk, Xmelnitski, həmçinin Lvov, Poltava və Çerniqov vilayətlərində partlayışlar baş verib. Enerji şirkəti DTEK ölkə daxilində elektrik enerjisinin fövqəladə kəsildiyini bildirib.
//Samir Qurbanov, Editor.az