Polşa müdafiə naziri Vladislav Kosiniak-Kamış Rusiyanı Varşava-Lyublin dəmir yolunda baş verən hadisədə iştirakda günahlandırıb: “Demək olar ki, bütün izlər şərqə – Rusiyaya aparır”, nazir RMF FM radiosunda deyib.

O, əlavə edib ki, partlayışın birbaşa günahkarları hələ müəyyən edilməyib.
Qeyd edək ki, 16 noyabrda qatar maşinisti Qarvolin stansiyası yaxınlığındakı Mazovetski voyevodluğunda dəmir yolu xəttində relslərin zədələndiyini görüb. Polşanın Baş naziri Donald Tusk hadisəni “təxribat aktı” adlandırıb və relslərin partladıldığını təsdiqləyib. 17 noyabrda yerli media naməlum şəxslərin eyni dəmir yolu xəttində, lakin Pulawi stansiyası yaxınlığındakı hava xəttinə zərər verdiyini bildirib.

Polşa Daxili İşlər Nazirliyi Rusiyanın fövqəladə vəziyyətdə iştirakı barədə danışmağın hələ tez olduğunu qeyd edib.

//Samir Qurbanov, Editor.az