Sentyabrın 28-də saat 15:20 radələrində Polşa təyyarəsi “bir kilometr yarıma qədər məsafədə” Belarus sərhədini keçib. Saat 16:22-də həmin gəmi yenidən sərhədi pozaraq 300 m dərinliyə qədər uçub.

Editor.az bildirir ki, bu barədə Belarus Müdafiə Nazirliyi məlumat verib. Məlumata görə, təyyarə saat 15:02-də Hərbi Hava Qüvvələri və Hava Hücumundan Müdafiə Qoşunlarının radar aşkarlama avadanlığı tərəfindən aşkar edilib.

“Məlumat obyektiv nəzarət məlumatları ilə təsdiqlənir. Bununla əlaqədar olaraq növbətçi təyyarələr havaya qaldırılıb”, – Belarus MN bildirib. Belarusun Müdafiə Nazirliyi Xarici İşlər Nazirliyi ilə birlikdə insidentlə bağlı Polşa hökumətinə nota hazırlayır.

Polşa silahlı qüvvələrinin operativ komandanlığı X sosial şəbəkəsində Belarus tərəfinin bəyanatının reallığa uyğun olmadığını yazıb.

//Samir Qurbanov, Editor.az