Rusiyanın xarici işlər naziri Sergey Lavrov hesab edir ki, Donald Trampın ABŞ prezidenti postuna qayıtması çətin ki, Rusiya-Amerika münasibətlərinə təsir etsin.

Lavrov iddia edir ki, ABŞ hakimiyyəti Vladimir Putinin “çox sayda xoşməramlı jestinə məhəl qoymayıb”.

“Hər hansı bir fərq olacağına inanmıram, çünki Rusiya-Amerika münasibətlərini pozmaq istiqaməti, bu münasibətlərin əsasları, o cümlədən strateji təhlükəsizlik, paritet, qarşılıqlı etimad, yoxlamalar, şəffaflıq, etimadın yaradılması ilə bağlı bütün sazişlər – hamısını prezident kiçik Corc Buşu məhv etməyə başladı”, – deyə nazir CBS telekanalına müsahibəsində bildirib.

Rusiya Xarici İşlər Nazirliyinin rəhbərinin sözlərinə görə, ABŞ-da artan “üstünlük kompleksi, cəzasızlıq kompleksi” var. “Putinin ilk iki dövründə (prezident kimi) göstərdiyi çoxlu sayda xoşməramlı jestlərə məhəl qoymayanlar… Hər şeyi səhv hesablayanlar – bir daha düşünməlidirlər. Əvəzində biz ABŞ-da SSRİ-nin dağılmasından sonra həyata keçirməyə başladıqları qəbuledilməz ABŞ siyasətindən bir dərs də almayan indiki siyasətçi nəslini görürük”, – deyə Lavrov əlavə edib.

//Samir Qurbanov, Editor.az